actress chithra

மீண்டும் நடிக்க வரும் ‘நல்லெண்ணெய்’ சித்ரா

இயக்குனர் கே.பாலசந்தர் மூலம் ‘அவள் அப்படித்தான்’ படத்தில் குழந்தை நட்சத்திரமாக அறிமுகமானவர் சித்ரா. ‘ராஜபார்வை’  படத்தில் கமலஹாசனுடன் குழந்தை நட்சத்திரமாகவும் நடித்தார்.

குழந்தை நட்சத்திரமாக இருந்த அவர் மலையாளத்தில் ,மோகன்லால் ஜோடியாக ‘ஆட்ட கலசம்’ படத்தின் மூலம் நாயகியானார்.

அதற்குப் பிறகு ரஜினியின் ‘ஊர்க்காவலன், சேரன் பாண்டியன், மதுமதி, பொண்டாட்டி ராஜ்யம்’ உள்ளிட்ட 300 படங்களில் நடித்துள்ளார். தமிழ், தெலுங்கு, மலையாளம், கன்னடம் என தென்னிந்திய மொழிகளிலும் நடித்தார். நல்லெண்ணெய் விளம்பரத்தின் மூலம் மிகப் பிரபலமானார்.

திருமணமாகி செட்டிலான அவர் கடந்த பல வருடங்களாக சினிமாவில் நடிக்காமல் ஒதுங்கி இருந்தார். இப்போது மீண்டும் நடிக்க வந்துள்ளார்.

“எனது மகளை வளர்க்கும் பொறுப்பு எனக்கு இருந்ததால் நடிப்பிலிருந்து ஒதுங்கி இருந்தேன். இப்போது மகள் 10 வது படித்துக் கொண்டிருப்பதால் இனி நடிப்பது என்று முடிவெடுத்திருக்கின்றேன். மேக்கப் போட்டு 18 வருடங்கள் ஆகிவிட்டது. நல்ல கதாபாத்திரங்களைத் தேர்வு செய்து நடிக்க இருக்கிறேன்,” என்கிறார் சித்ரா.